ASP-FastBoard: Forum-ID 6748

Śląski Hilary!

Babsi — Wed, 09 Jan 2008 07:37:46 +0100

W Rudzie Śląski, w familoku starym,

Miyszkoł jedyn chop , Hilary.

Mioł łon pamiynć pieronowo

I jak yno ruszoł gową,

To dzieje spominoł stare:

-Kiedy piyrszy mioł zygarek,

-Jak konie były na grubie,

-Godoł jak się piyrze szkubie,

-Kaj utopki w stowie żyją,

-Czamu łożeroki piją,

-Na co były biydaszyby,

-Kaj król dycki piechty łazi...

...ale kaj se brele wrazioł,

To Hilary zapomino,

Choć jeszcze mioł je przed chwilą!

Bestoż z niyszczynśliwą miną

Cołko chałpa przeszukuje

I pierońsko pieronuje.

Ale se niy myślcie wcale,

Że w tym poszukiwań szale,

W izbie delówka pozrywo.

Tak to na śląsku niy bywo!

Wiync co zrobioł nasz Hilary?

A dyć obyczajym starym,

Jak to pobożno duszyczka, Porzykoł do Antoniczka,

Tego patrona świyntego,

Od wszystkiego zgubionego.

Świynty drapko go wysuchoł

I tak padoł mu na ucho:

Ach Hilary! Ty Gorolu!

Dyć mosz brele na kicholu!

Lokomotywa na Śląsku!!

Babsi — Wed, 09 Jan 2008 07:33:41 +0100

Jest na banhowie ciynszko maszyna

Rubo jak kachlok - niy limuzyna

Stoji i dycho, parsko i zipie,

A hajer jeszcze wongiel w nia sypie.

Potym wagony podopinali

I całym szwongym kajś pojechali.

W piyrszym siedziały se dwa Hanysy

Jeden kudłaty, a drugi łysy,

Prawie do siebie niy godali,

Bo się do kupy jeszcze niy znali.

W drugim jechała banda Goroli

Wiyźli ze soba krzinka jaboli

I pełne kofry samych preswursztóf

I kabanina prosto z rusztu.

Pili i żarli, jeszcze śpiywali,

Potym bez łokno wszyscy rzigali.

W czecim Cygony, Żydy, Araby

A w czwartym jechały zaś same baby.

W piontym zaś Ruski. Ci mieli życie!

Sasza łożarty siedzioł na tricie.

Gwiozda mioł na czopce, stargane łachy,

Krziwioł pycholem i ciepoł machy.

A w szóstym zaś były same armaty,

Co je wachowoł jakiś puklaty.

W siódmym dwa szranki, pufy, wertikol,

Smyczy maszyna może donikąd.

Jak przejyżdżali bez Śląskie Piekary

Kaj wom to robiom koła do kary,

Maszyna sztopła! Kofry śleciały

I każdy latoł jak pogupiały.

To jakiś ciućmok i łajza!

Ciupnoł i ślimtoł sygnal na glajzach.

Mog iść do haźla abo do lasa,

Niy pokazywać tego mamlasa!

Potym mu ale do szmot nakopali,

Maszyna ruszoła, cug jechoł dali.

Bez pola, lasy, góry, tunele,

Dar za sobom samym te duperele.

Aż się zagrzoły te biydne glajzy,

Maszyna sztopła i koniec jazdy.

Wesolych swiat

Babsi — Fri, 21 Dec 2007 12:06:11 +0100

Smiejacy Kot

Babsi — Thu, 20 Dec 2007 11:59:53 +0100

http://www.lachkatze.de/

Witom

Babsi — Mon, 17 Dec 2007 21:39:18 +0100

So to jo tu zaczna. :)
Mieszkalach do 1984 w Rudzie Slaskiej, potem wyjechalach do niemiec. Mieszkom na Bajerach niedaleko Ingolstadt. Wyszlach za maz, mom troje wspanialych dzieci, dwoch chopcow jedna dziolszka.
Pozdrawiam wos wszystkich.

Regulamin

Babsi — Mon, 17 Dec 2007 21:08:55 +0100

Prosze nie uzywac tu przeklenstw, nie obrazac innych!!!
Niyprzyzwoite fotki i linki sa zakazane!!!
Kto nie bedzie tego dotrzymywac bedzie z Forum wyrzucony a posty jego beda skasowane!